აბიდალი:„დღეს ცოტა რთული დღე მაქვს. 6 წელი ვითამაშე ბარსაში, ამ წლების მანძილზე ყველაზე ძლიერი გამოცდილება მივიღე ჩემს ცხოვრებაში. მყავდა შესანიშნავი გუნდელები, მსოფლიოში საუკეთესოები. მე აქ ძალიან ბევრი რამ ვისწავლე. დიდი მადლობა მწვრთნელებს, რომლებმაც ნდობა გამომიცხადეს, ასევე ექიმებს და ფიზიოთერაპევტებს, რომლებიც ძალიან დამეხმარნენ მძიმე მომენტებში. დიდი მადლობა ჩემს ოჯახს, ჩემს ბიძაშვილს, ჩემს მეუღლეს და ჩემს შვილებს. ორი მიზანი მქონდა: პირველი, მებრძოლა, რომ ჩემი შვილებისთვის მეყურებინა როგორ იზრდებოდნენ და მეორე, რომ ფეხბურთის თამაში ისევ შემძლებოდა. მინდოდა, რომ ბარსაში გამეგრძელებინა თამაში, მაგრამ კლუბი ამას სხვანაირად უყურებს და მე პატივი უნდა ვცე. სიმართლე რომ გითხრათ, მძიმეა ჩემთვის, იმიტომ რომ ბევრი ვიბრძოლე იმისთვის, რომ აქ შემძლებოდა თამაში. საბოლოოდ 2 გზაა, ან გააგრძელო ან არა, გავაგრძელებ, მაგრამ სხვაგან. ეს გადაწყვეტილება არ ყოფილა ძნელი, გამიხარდებოდა, რომ აქ გამეგრძელებინა თამაში, ჯანმრთელობა ამაში ხელს მიწყობს. ძალიან ძნელია დაასრულო კარიერა და ცხოვრება შეცვალო. მინდა, რომ გავაგრძელო თამაში, უნდა ამოვწურო ჩემი კონტრაქტი ბარსასთან. არ მაქვს შემოთავაზებები, დრო მაქვს, რომ დავფიქრდე. დრო მაქვს, რომ ყველაფერი გავაანალიზო, ვფიქრობ, რომ კიდევ 2 წელი შევძლებ თამაშს, 33 წლის ვარ, შემიძლია 35 წლამდე ვითამაშო, შემდეგ ვნახოთ. ექიმებს არ უთქვამთ, რომ სიცოცხლეს საფრთხეში ვიგდებ და თავი უნდა დავანებო ფეხბურთს, თუ მეტყვიან, მე ამას გავაკეთებ, კლუბმა სხვა გადაწყვეტილება მიიღო, ისეთი, რასაც მე არ ველოდი.
არ დამავიწყდება ის დღე, როცა თამაშს დავუბრუნდი, არ დამავიწყდება Wembley და არ დამავიწყდება დღევანდელი დღე. მნიშვნელოვანი იქნება ჩემთვის ბოლო თამაში, ვნახოთ თუ მისტერი ბოლო წუთებს მათამაშებს კამპ ნოუზე.
მე მივდივარ, მაგრამ დარწმუნებული ვარ, რომ დავბრუნდები, ძალიან საინტერესო შემოთავაზება გამიკეთა ბარსამ და უნდა დავფიქრდე, დიდი მადლობა ამისთვის. დიდი მადლობა გულშემატკივრებს, რომლებიც ჩემს გვერდით იდგნენ და მხარს მიჭერდნენ, დიდი მადლობა ყველას და visca Barça.“
P.S. ძალიან დამწყდა გული , მაგრამ ბარსელონასთვის ასე სჯობდა. 100%-ით მჯერა, რომ ისევ დაბრუნდები… წარმატებებს გისურვებ.
კარცერ ლუქსი 